شبكه الاجتماعيات التعليمي
يسرنا تسجيلكم في منتدانا التعليمي المتواضع هذا ... أهلا و سهلا بكم

ِِ قصائد حق العيد ِِِ

استعرض الموضوع السابق استعرض الموضوع التالي اذهب الى الأسفل

ِِ قصائد حق العيد ِِِ

مُساهمة من طرف عنود الشوق في الأربعاء ديسمبر 22, 2010 7:25 am

بسم الله الرحمن الرحيم
جبت لكم قصائد للعيد اتمنى تعجبكم....
أقول في نفسي وأنا أعايد الناس
متى بشوفك تكمل أفراح عيدي

أجامل وربي عليم ٍ بالإحساس
وشهو شعوري وأنت عني بعيدي

اللي خذاني لك على سهو هوجاس
حسيت نفسي وسط ربعي وحيدي

لو حسوا بما بي يقولون لاباس
بدال قولة على عيدك سعيدي

لاصرت عندي وقتي أعياد وأعراس
حتى ولو إني وسط سجنٍ حديدي

عاشرت خلان وتخالطت بأجناس
محدٍ سواك أهديته القلب بيدي !!

من تحت ما طا الرجل لي هامت الراس
كلش هويته فيك والله شهيدي

لقيت بك ذوقي وأنا قاطع الياس
ومعك بدا يحيا الأمل من جديدي


،



عيدك مبارك صاحبي وين ماكنت
يزف لك نبض الخفوق التهاني

عيدك مبارك كثر مابي تمكنت
كثر الغلا اللي بالضلوع المحاني

او كثر مافي فرحة العيد حزنت
وارخيت لجيوش العذاب العناني

يوم التفت وشفت ماغايب الا انت
ضاق الوجود وكل هم غزاني

،



ياعيد مالك نظرة في عيوني
نسيتني مدري زماني نساني

ماقدرت افراحك تعانق شجوني
احزاني اكبر من كلام التهاني

حاولت اجاري فرحتك واكشفوني
لاجيت ابضحك ماستمرت ثواني



،



الا يا دانة الدنيا عسى عمرك يعيش بخير
عسى عيدك فرح يافرحة الدنيا ومافيها

ابكتب لك شعر لكن اخاف يصير به تقصير
ولا يطلع بقد الشوق وايامه وطاريها

ابكتب لك شعر من راس صافي ما رضى تغيير
مباديه القديمه راسيه ماهو مجافيها

ابكتب لك شعر من قلب وافي صادق التعبير
يترجم سر نفسٍ وضحت لك كل خافيها

ابكتب لك شعر يرقص على لحنه جناح الطير
يغرد يوم بانت له ليال الود وصافيها

ابكتب لك شعر كله حروف محمله تقدير
على كف الغلا يمك يا بنت الورد اوديها

ابكتب لك شعر فاق بحضوره حرفة التصوير
على متن السحابه ينظر عيونك وناويها

ابكتب لك شعر لكن قصيدي خانه التعبير
الا وشلون يقدر ينظر عيونك ويوفيها


،



على كثر اتصالات الخلايق في صباح العيد
انا والله ما كنت آتحرّى غير جوّالك

تحريت إتصالك إنت يالغالي وبالتحديد
لأن العيد ما اظنه يجي وما جيت في بالك

تصور كيف مر العيد من تنكيد في تنكيد
وانا ما غير اهوجس بك وانادي وآتحرّالك

وجوّالي غدا مثلي تنهّد واكثر التنهيد
يقول: ابطى عليك.. وقلت: اكيد العلة ارسالك

وقمت اكذب على نفسي واقول بصيغة التأكيد
اكيد الحين بتكلم وانا ادري ما طرينالك

على ما يبدو اني كنت عن بالك بعيد ابعيد
حرام ارجوك صدقني انا ما استاهل افعالك


جفاك اليوم قيّدني تعال وفكّ هذا القيد
كلّمني وعايدني وقلّي.. إنت وش حالك

ياليت العذر (فاتورة) عليك بحاجة التسديد
أخاف العذر هي قولة: نسيته رقم جوالك


،



العيد صبحك والهدية حضورك
ياللي بشوفك يصبح العيد غاية

يشتاق فجر العيد ريحة بخورك
وأشتاق قولك: (عيد وأنتِ معايه)

ألبس وأغير وأتخيل شعورك
وأمشط وأطيب ما هجرت المرايه

تشرب ثيابي العطر لحظة ظهورك
وأسكر بعطرك لا تخلل هوايه

أروح وأرجع أتحرى مرورك
أفلّ شعر القلب وأضفر شقايه

أردد أبياتك , وأقطع بحورك
أبغى التفوق في الغلا ياغلايه

الله يوم أشرق على القلب نورك
أجهر حروفي ,دسّ شعري ورايه

تفتح بشوفك في خدي زهورك
تبي تحس في نظرتك بالرعاية

كلي أمل أحظى ابسمة سرورك
وأقرأ في وجهك ما يسطر هنايه


،


العيد ما هو يوم واحد ب شوال
العيد يا عذب الكلام ب وجودك

العيد فرحة شايب وبنت واطفال
العيد مركب ما رسى في حدودك

العيد ذكرى فيه لمحات لأجيال
العيد دعوة حب لأول جدودك

العيد غاده لوعت قلب رجال
العيد رجل ٍ ذاق حالي وعودك

العيد طفله جايره مترفة حال
العيد طفله عايشه في جمودك

العيد دمعة طفل والجوع قتال
العيد طفل باكي ٍ من جحودك

العيد يا ورد ٍ نبت ب اشهب الال
العيد رشة من عطر في خدودك

العيد فيه الحظ مايل ولا مال
العيد انسى شوي اخر صدودك

العيد آمال بنا حلمها فال
وكل الأمل عيد ٍ سعيد ووجودك
avatar
عنود الشوق

عدد المساهمات : 54
تاريخ التسجيل : 08/12/2010
العمر : 27
الموقع : دااااار جــــــــــــــــــــــــــــابـــــــــــــــــــــــر

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: ِِ قصائد حق العيد ِِِ

مُساهمة من طرف الرحال في الأربعاء ديسمبر 22, 2010 10:37 pm

صح السااااانك
avatar
الرحال

عدد المساهمات : 63
تاريخ التسجيل : 08/12/2010
العمر : 37

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: ِِ قصائد حق العيد ِِِ

مُساهمة من طرف عنود الشوق في السبت ديسمبر 25, 2010 10:07 am

صح بدنك........
avatar
عنود الشوق

عدد المساهمات : 54
تاريخ التسجيل : 08/12/2010
العمر : 27
الموقع : دااااار جــــــــــــــــــــــــــــابـــــــــــــــــــــــر

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى